Na Wo Husn Main Rhi Shokhiyaan

Kabhi Ai Haqeeqat E Muntazir,Nazar Aa Libaas E Mijaaz Main
Keh Hazaaron Sajday Tarap Rhay Hain Meri Jabeen E Nyaaz Main

Jo Main Sar Basajda Huwa Kabhi Tu Zameen Se Aanay Lagi Sada
Tera Dil Tu Hai Sanam Ashna,Tujhay Kya Milay Ga Nimaaz Main

Na Wo Husn Main Rahi Shokhiyaan,Na Wo Ishq Main Rahi Mastiyaan
Na Wo Ghaznvi Main Tarap Rhi,Na Wo Kham Hai Zulf E Ayyaz Main

Tu Chhupa Chhupa Ke Na Rakh Issay,Tera Aina Hai Wo Aina
Keh Shikasta Ho Tu Azeez Tar Hai Nigah E Aina Saaz Main

Na Kahin Jahan Main Amaan Mili,Jo Amaan Mili Tu Kahan Mili
Meray Jurm E Khana Kharaab Ko Teray Ufv E Banda Nawaz Main