Ojhal Sahi Nigah Se, Dooba Nahi Hoon Main

Ojhal Sahi Nigah Se, Dooba Nahi Hoon Main
Ay Raat Khabar-Daar, K Haara Nahi Hoon Main

Darpesh Subh-O-Shaam Yehi Kash-Makash Hai Ab
Us Ka Banon Main Kaisay K Apna Nahi Hoon Main

Mujh Ko Farishta Honay Ka Dava Nahi Magar
Jitna Bura Samajhtay Ho Utna Nahi Hoon Main

Is Tarha Phair Phair K Baatein Na Kijiye
Lehjay Ka Rukh Samajhta Hoon Bacha Nahi Hoon Main

Mumkin Nahi Hai Mujh Se Yeh Tarz-E-Munaafiqat
Duniya Tere Mizaaj Ka Banda Nahi Hoon Main

Amjad Thi Bheer Aesi Kay Chaltay Chalay Gaye
Girnay Ka Aesa Khauf Tha Thehra Nahi Hoon Main