Sawaal Jawaab

Sawaal Ye Tha Wafa Kis Tarha Kare Koi
Jawaab Ye Tha Ke Jaise Aankhon Pe Palkein

Sawaal Ye Tha Mohabbat Shuru Kahan Se Karein
Jawaab Ye Tha Ke Maa Baap Ki Khushi Se Karo

Sawaal Ye Tha Ibadat Ka Naam Kisko Dein
Jawaab ye Tha Ta-Umar Buzurgon Se Chahat

Sawaal Ye Tha Ghunha Naam Hai Kis Zarre Ka
Jawaab Ye Tha Kisi Shaks Se BeHad Nafrat

Sawaal Ye Tha Gumaan Kis Baat Ka Kiya Jaaye
Jawaab Ye Tha Ke Sach Bolne Ke Lehze Ka

Sawaal Ye Tha Kya Cheez Hai Haraam Hai Jo
Jawaab Ye Tha Kisi Cheez Ka Bhi Zinha Karna

Sawaal Ye Tha kya Hai Jise Gawara Karein
Jawaab Ye Tha Jo Dil Ko Acha Lagta Ho

Sawaal Ye Tha Udaasi Chupa Ke Kya Hasil
Jawaab Ye Tha Apni Khamiyon Pe Parda Karna

Sawaal Ye Tha Aakhir Yakeen Kis pe Ho
Jawaab Ye Tha Khuda Pe Aur kisi Pe Nahi

Sawaal Ye Tha Hai Sabr Kis Cheez Ka Naam
Jawaab Ye Tha Ke Mout Sa Sabr Hi Nahi.