Seyah Rat Ho Har Shay Ko Neend

Seyah Rat Ho Har Shay Ko Neend Ai Ho
Mairay Wajood Ki Taqreeb-E- Ronamai Ho

Rakha Gia Ho Har Ik Khawab Ko Qareenay Say
Zameen-E- Hujla- Ay-Idraq Ki Safai Ho

Us Aitkaf-E- Tamana Ki Sard Rat Kay Bad
Main Jal Maron Jo Kabhi Aag Tak Jalai Ho

Kabhi Kabhi To Yh Lagta Hay Saat-E-Mojood
Mujhay Qadeem Zamanay Main Khainch Lai Ho

Nikal Padon Main Koi Mashal-E-Fasoon Lay Kar
Qaiam Gah-E-Abad Tak Mairi Rasai Ho

Main Us Kay War Ko Sansoon Ki Dhal Par Rokon
Sawar-E-Marag Say Ghumsan Ki Ladai Ho