Suhana Mosam Ho Aur Aay Koi

Suhana Mosam Ho Aur Aay Koi
Sehra E Dil Main Baras Jaay Koi

Shab O Roz Ulfat Main Cheekhta Hay Darya
Aisay Deewanon Ko Kia Samjhay Koi

Aankh Khuli Hay Abhi Gul E Shaakh Ki
Bulbul Say Keh Do Geet Na Gaay Koi

Kabhi Saamnay Aay Woh Khuabida Chehra
Kab Tak Rait Par Ghar Banaay Koi

Aay Naseem E Sehri, Meray Ghar Say Na Guzarna
Abhi Aankh Lagi Hay, Abhi Na Jagay Koi

Meri Fitrat Main Bhatakna Hay
Mujhay Raah Na Dikhay Koi

Yaan Uljhanon Main Uljhay Hain Sabhi
Kon Sunay Apni Aur Kia Sunaay Koi

Hawaon Nay Hilaya Hoga Tera Dar "Mehroom"
Kon Dastak Day Kionkar Aay Koi