Tum Ne Phir Ishq Kiya?

Apne Ko Hum Is Shehar Mein Ruswa Na Karen Ge
Ab Tak Jo Hua Khair Ab Aisa Na Karen Ge

Wada Hai Keh Ab Aur Na Jalaayen Ge Dil Ko
Nuqsaan Hai Is Mein To Yeh Suada Na Karenge

Taa Shaam Na Un Kuchon Mein Ghoomen Ge Pareshan
Taa Subha Shab-E-Maah Mein Jaaga Na Karenge

Har Mor Pe Thithken Ge Na Dewaanon Ki Surat
Har Mor Pe Tujeh Jaa Ke Pukaara Na Karenge

Likhen Ge Kisi Aur Hi Unwaan Ki Nazmein
Ghazalon Mein Is Bat Ka Charcha Na Karenge