Tumhain Yaad Tu Ho Ga

Milnay Ke Wo Har Roz Kai Shokh Bahaanay
Phir Soch Ke Hansna Bhi Tumhain Yaad Tu Ho Ga?

Chhaon Main Baith Ker Wo Haseen Waaday Wafa Ke
Waadon Se Mukarna Bhi Tumhain Yaad Tu Ho Ga?

Wo Baat Kertay Kertay Afsurdaa Sa Ho Jaana
Ashkon Ka Chhalakna Bhi Tumhain Yaad Tu Ho Ga?

Wo Khushboo Phailaati Huwi Mashoor Adaain
Aanchal Ko Jhatakna Bhi Tumhain Yaad Tu Ho Ga?

Wo Zulf Ka Urr Ker Kabhi Rukhsaar Ko Chhoona
Phir Unn Ko Jhatkna Bhi Tumhain Yaad Tu Ho Ga?

Shab Bhar Wo Khyaalat Ke Ik Jheel Kinaaray
Taaron Ko Pakarna Bi Tumhain Yaad Tu Ho Ga?

Wo Zikr E Judaai Se Tera Larz Sa Jaana
Bacchon Sa Sisakna Bhi Tumhain Yaad Tu Ho Ga?

Mumkin Hai Keh Khwaabon Main Tumhain Roz Sataain
Inn Yadon Se Keh Do Ke Tumhain Yaad Na Aain.
(Incomplete)