Wo Raha DiL

Wo Raha Dil Mein Magar Dil Ko Dukhane Ke Liye
Ham Ko Ek Shakhs Mila Chorh Kar Jane Ke Liye

Ham Ne Unn Ko Bhi Tere Hijer Mein Ro Kar Kata
Wo Jo Do Din They Mile Hansne Hansane Ke Liye

Bojh Dhota Raha Mazdoor Jo Duniya Bhar Ka
Chaar Kandhe Na Mile Uss Ko Uthane Ke Liye

Dosti Ab Ke Hawaon Se Bhi Rakhi Jaey
Ye Zaroori Hei Charaghon Ko Jalane Ke Liye

Chorh Kar Bachon Ki Aankhon Mein Masoom Sawal
Mein Chala Aaya Hoon Pardes Kamane Ke Liye

Ye Tasali Ye Dilase Mehez Behlawe Hein
Kon Jata Hei Bhala Lot Kar Aane Ke Liye