Ye Kesa Waqt Aya Hai

Mere Watan Ki In Galyon Mai
Ye Kesa Waqt Aya Hai

Jiski Khatir Sab Kuch Khoya Tha
Aaj Usi Watan Ko Apne Hathon Jalaya Hai

Apne Lal Ki Hichki Par Bhi
Jiski Hichki Bandh Jati Thi

Aj Usi Maa Ka Beta
Surkh Kafan Mai Aya Hai

Veeran Sarken Sunsan Galyan
Log Gharon Tak Mehdod Hue

Har Taraf Khoof Ka Alam Hai
Ya Kesa Zulm Dhaya Hai

Insan Ki Koi Auqat Nahi
Lasho Ke Hain Anbar Lage

Khudkush Hamle Karne Walo Tum Ne
Apna Aap Luta Kar Bhi Kya Paya Hai