Zaroori To Nahi

Umar Jalwon Mein Basar Ho Yeh Zarori To Nahi
Her Shab E Gham Ki Sahr Ho Yeh Zarori To Nahi

Neend To Dard Ke Bistar Pe Bhi Aa Sakti Hai
Unki Aaghosh Mein Sir Ho Yeh Zarori To Nahi

Aag Ko Khail Patangon Ne Samajh Rakha Hai
Sub Ko Anjaam Ka Dar Ho Yeh Zarori To Nahi

Shaikh Karta Hai Jo Masjid Mein Khuda Ko Sajde
Iske Sajdoon Mein Asar Ho Yeh Zarori To Nahi

Chasm-E-Saaqi Se Piyo Yaa Lab-E-Saagar Se Piyo
Bekhooodi Aathon Pehar Ho Ye Zaroori To Nahin

Sub Ki Saqi Pe Nazar Ho Yeh Zarori Hai Magar
Sub Pe Saqi Ki Nazar Ho Yeh Zarori To Nahi