آ گیا ہوں شب سُہانی دیکھ کر
Poet: wasim ahmad moghal By: wasim ahmad moghal, lahoreآگیا ہوں شب سُہانی۔۔۔۔۔۔۔ دیکھ کر
دوستوں کی مہربانی۔۔۔۔۔۔۔۔ دیکھ کر
گل کھلے جاتے ہیں۔۔۔۔۔۔ کیا کیا دیکھئے
گل رُخوں کی گل فشانی ۔۔۔۔۔۔دیکھ کر
لہلہا اُٹھا مرے۔۔۔۔۔۔۔۔ دل کا چمن
آپ کی رنگیں بیانی۔۔۔۔۔۔۔۔دیکھ کر
ہر کس و ناکس کو ہم۔۔۔۔۔ دیتے نہیں
ہاں مگر دل کی نشانی۔۔۔۔۔۔۔۔ دیکھ کر
رُک گیا ہے چودہویں کا ۔۔۔۔۔چاند بھی
جانِ من تیری جوانی۔۔۔۔۔۔ دیکھ کر
خشک ہو ہو جائے ہے۔۔۔۔۔ میرا لہو
آپ کو یوں پانی پانی۔۔۔۔۔۔۔ دیکھ کر
جی میں آیا ہے کہ۔۔۔ مر جاؤں یہیں
جاناں تیری بد گمانی۔۔۔۔۔ دیکھ کر
کھل اٹّھا ہے اُس کا چہرہ۔۔۔۔ اور بھی
میری مرگِ ناگہانی۔۔۔۔۔۔ دیکھ کر
زہر کھا کے صبح مجنوں۔۔۔۔۔ مر گیا
رات لیلیٰ کی کہانی۔۔۔۔۔۔۔ دیکھ کر
چاہتا ہوں دشمنوں سے۔۔۔۔ دوستی
دوستوں کی دلستانی۔۔۔۔۔۔ دیکھ کر
ناگہاں یاد آگیا ۔۔۔۔۔۔۔۔دل کا لہو
تیرا آنچل ارغوانی۔۔۔۔۔۔ دیکھ کر
آتشِ دوزخ نہ بجھ جائے ۔۔۔۔کہیں
دل میں یہ سوزِ نہانی۔۔۔۔۔ دیکھ کر
رُک گیا ہے وہ ۔۔۔۔۔صبا رفتار بھی
میرے شعروں کی روانی ۔۔۔۔دیکھ کر
ہر کس و ناکس کو ہم۔۔۔ دیتے نہیں
ہاں مگر دل کی نشانی۔۔۔۔۔۔ دیکھ کر
مجھ کو بھی ہے اب کےدعویٰ عشق کا
حسن کی یہ لن ترانی ۔۔۔۔۔دیکھ کر
ٹوٹ نہ جائے حصارِ جاں۔۔۔۔ مرا
عشق کی یہ سرگرانی۔۔۔۔۔ دیکھ کر
چھوڑنے آیا ہوں تیرے۔ پاس دل
اِس پہ تیری حکمرانی۔۔۔۔۔ دیکھ کر
چاہتا ہوں تم ہی پہ ۔۔اب وار دوں
زندگی یہ آنی جانی۔۔۔۔۔۔۔ دیکھ کر
ڈر ہے یہ شاعر نہ بن جاؤں۔ ۔کہیں
شاعروں میں قدر دانی۔۔۔۔ دیکھ کر
دوستو تم پی نہیں۔۔۔۔۔ سکتے اِسے
ہے غزل میں مے پُرانی۔۔۔ دیکھ کر
نہ اَمیری کی اُسے قَید، نہ غُربَت کی رَضا ہے
یہ نہ دیکھے کہ کوئی تَخت پہ بیٹھا ہُوا ہے
یا کوئی خاک کی چادَر میں لِپٹا ہُوا ہے
کبھی ہَنستے ہوئے چہروں کو رُلا جاتی ہے
کبھی آنکھوں میں بَسے خَواب مِٹا جاتی ہے
کبھی ماں باپ کا سایہ ہی اُٹھا لیتی ہے
کبھی بَچّوں کی ہَنسی چھِین کے لے جاتی ہے
یہ نہ رِشتوں کی حُرمَت، نہ تَعلق دیکھے ہے
بَس اَجَل اپَنے مَقَرّرہ ہی لمَحے دیکھے ہے
جو گیا لَوٹ کے آیا نہیں دُنیا میں کبھی ہے
بَس یَہی بات دِلوں کے لیے اِک صَدمہ ہے
غَم کی اِس گھَڑی میں صَبَر ہی مومن کا سَہارا ہے
وَرنہ یہ دُکھ تو ہر اِک دِل نے اَکیلا سَہا ہے
مظہرؔ اِس سَچ کو سمجھ لو، یَہی اَنجامِ حیات ہے
مَوت آ کر یہ بتاتی ہے کہ دُنیا فانی ہے
یہ خُون کے دَھبّے کبھی چہروں سے نہ دھُلیں گے
ہَر شہر میں پھَیلی ہوئی خاموش فَضا کو
آوازِ حَق آئیں گی تو پَتھر بھی ہِلیں گے
یہ وَقت کی عادَت ہے کہ فِرعَون بہت ہیں
مُوسیٰ بھی مگر بَطنِ زَمانہ سے نِکلیں گے
مَعصُوم لَہو مانگ رہا ہے یہ گواہی
تاریخ کے اَوراق میں یہ دن بھی لکھیں گے
زَنجیر کی جھَنکار سے ڈَرنے کی نہ کَہیو
یہ لوگ ہیں، اِک روز یہی زَنجیر بَدلیں گے
جو لوگ سَمجھتے ہیں کہ سَب خَوف میں ہیں قَید
وہ دیکھ لیں، حالات کے دھارے بھی بَدلیں گے
مظہرؔ یہ اَندھیروں کا تَسَلَط ہے فَقط آج
سُورَج ہیں اگر زِندہ تو کل پھر سے نِکلیں گے
زَمانے بھر کی رُسوائی کو بھی سِینے سے لگانے کا
جو سَچے دِل سے کرتے ہیں، وہ سَودا خَوف کا کَب ہے؟
یہ رَستہ ہے چراغِ جاں سرِ طُوفاں جَلانے کا
وَفا جب ہاتھ تھامے تو حِسابوں میں نہیں پَڑتی
یہ شیوہ ہے خَساروں میں بھی رِشتہ ہی نِبھانے کا
مُحبت مَصلِحَت کی قَید میں رَہ کر نہیں جیتی
یہ دَریا ہے کِناروں سے بَغاوَت کر کے جانے کا
جو بَدنامی کے ڈَر سے ساتھ چھوڑ آئے رہِ دِل میں
اُسے دَعویٰ تو آتا ہے، ہُنر نہیں وَفا کرنے کا
عَہد اَگر سَچاّ ہو تو مَوسم راہ نہیں روکتے
یہ حوصِلہ ہے کانٹوں پر بھی ہَنستے مُسکرانے کا
مظہرؔ عِشق وہ سَجدہ ہے جِسے دُنیا نہیں سَمجھی
یہ جَذبہ ہے فَنا ہو کر بھی مَحبُوب کو پانے کا
کسی نے دَرد کو سَڑکوں پہ پھر عُریاں لِکھا ہے
یہ کیسا دَور آیا ہے، یہ کیسا اِمتحاں آیا
کہ ہر سَچ بولنے والے پہ اِک زِنداں لِکھا ہے
نہ ماؤں کی دُعائیں ہیں، نہ بَچّوں کی ہَنسی باقی
فضاؤں نے ہر اِک چہرے پہ اِک طُوفاں لِکھا ہے
کبھی راولاکوٹ رویا، کبھی کوئی نگر رویا
سِتم کی داستاں نے خود کو پھر دہراں لِکھا ہے
یہاں طاقَت کے اِیوانوں میں فیصلے اور ہوتے ہیں
مگر مَحروم لوگوں نے اَلگ فَرمان لِکھا ہے
وہ کہتے ہیں کہ خاموشی ہی اب تَقدیر ہے اَپنی
مگر اہلِ وَفا نے "حَق" کو پھر اِمکاں لِکھا ہے
نہ دَولت سے، نہ قُوَّت سے، نہ تَلواروں کی دھَمکی سے
ضَمیرِ زِندہ نے آزادی کو قُرآں لِکھا ہے
مظہرؔ! وقت گواہی دے گا آنے والی نَسلوں کو
وَفا والوں نے خُون سے آزادی کا ساماں لِکھا ہے
