آج کوئی شاعری تخلیق نہ ہوئی

آج کوئی شاعری تخلیق نہ ہوئی
کیوں آج کوئی شاعری تخلیق نہ ہوئی

دن بھر کسی لمحے کی فرصت نہ پا سکے
اور وقت کی فراوانی نصیب نہ ہوئی
آج کوئی شاعری تخلیق نہ ہوئی

کچھ نہ کچھ لکھ ہی دیتے ہم مگر
نہ ابتدا ہوئی کوئی تمہید نہ ہوئی
آج کوئی شاعری تخلیق نہ ہوئی

کوئی نظارا اپنی نظر کو نہیں بھایا
اس لئے کوئی نظم مزید نہ ہوئی
آج کوئی شاعری تخلیق نہ ہوئی

کوئی اچھوتا تخّیل خیال میں نہ آیا
خیال کی تصویر یوں تعبیر نہ ہوئی
آج کوئی شاعری تخلیق نہ ہوئی

کوئی قہر کوئی مہر کا قصہ نہیں ہوا
ایسی کوئی بات کوئی چیت نہ ہوئی
آج کوئی شاعری تخلیق نہ ہوئی

کوئی دلگداز نغمہ کوئی دلپذیر قصّہ
کوئی ایک بھی کہانی تخلیق نہ ہوئی
آج کوئی شاعری تخلیق نہ ہوئی