آرام بھی ضروری ہے

آرام بھی ضروری ہے
جیسے کام ضروری ہے

سچ ہے یہ حقیقت ہے
آرام کی بھی ضرورت ہے

کام کر کے بگڑ جانا
تھکے تھکے سے نظر آنا

یہ تو نری کمزوری ہے
آرام بھی ضروری ہے

کام کرو تو کام کرو بس
بالکل نہ آرام کرو بس

یوں تو زندگی ادھوری ہے
آرام بھی ضروری ہے

کام کرو ہاں کام کور
صبح کرو کبھی شام کرو

پر وقفہ بھی ضروری ہے
آرام بھی ضروری ہے

صبح کرو اور شام بھی کرو
کام کرو اور کام ہی کرو

یہ کام ہے یا مزدوری ہے
آرام بھی ضروری ہے

دن نکلا تو کام کیا
بس کام میں دن تمام کیا

یہ اپنے آپ سے دوری ہے
آرام، بھی ضروری ہے

صبح کرو یا شام میں کرو
آرام مگر کچھ کام میں کرو

سمجھو تو یہ ضروری ہے
آرام بھی ضروری ہے

جب جو دیکھا وہ کام کیا
صبح کیا کبھی شام کیا

ایسی بھی کیا مجبوری ہے
آرام بھی ضروری ہے

جیسے کام ضروری ہے
آرام بھگی ضروری ہے