آساں دے محل

جہیڑا دل دے درد نوں سمجھے یار اوہو بنائی دا
بن سوچے ایس جگ تے یارو پیار کدی نئیں پائی دا

پیار محبت وچ سجناں ایہہ چھیڑ چھاڑ تے ہندی اے
نکیاں نکیاں گلاں لیہ کے ایویں نئیں رس جائی دا

میں اک کتابے پڑھیا سی کڈا سوہنا کسے لکھیا سی
جس دل وچ دلبر وسے او دل نئیں تڑپائی دا

آؤن والا پل کنج دا آؤنا رب ای او جانے سجناں
جس پل وچ جیندے ہوئیے او ہس کھیڈ لنگھائی دا

اوہدے مکھ میرے توں موڑن نال رشتے سارے توڑن نال
امتیاز ڈگے آساں دے محل میرے کیہ گیا ہرجائی دا