آنکھ جب سے ہے ترے ساتھ ملائی جاناں
Poet: Khalid Roomi By: KHALID ROOMI, Rawalpindi آنکھ جب سے ہے ترے ساتھ ملائی جاناں
ہو گئی اپنی عدو ساری خدائی جاناں
دشت غربت میں لٹی میری کمائی جاناں
روز و شب دیتا پھروں اب میں دہائی جاناں
جس طرف آنکھ اٹھاؤں ترے جلوے دیکھوں
اللہ اللہ ، مرا اوج رسائی جاناں
کھل گیا بھید ترے جور و ستم کا سارا
تو نے محفل میں جو آنکھ آج چرائی جاناں
تم نے ہوتے ہی جواں بدلی نگاہیں کیوں کر ؟
نخوت حسن تمھیں کس نے سکھائی جاناں ؟
پس مردن بھی کسی طور نہ پاؤں گا نجات
نہیں ممکن تری زلفوں سے رہائی جاناں
گھر سے صحرا کو ، گئے دشت سے ہم دار کی سمت
تیری الفت نے عجب راہ دکھائی جاناں
آج قابو میں نہیں کیوں یہ مرے ہوش و حواس
ساغر چشم سے کیا شے ہے پلائی، جاناں
تیرا مجنوں ہی تو تھا جس نے بھری دنیا میں
دشت در دشت یہاں خاک اڑائی جاناں
ہائے ! اس روز سر بزم قیامت ہو گی
رخ سے چلمن جو کبھی تو نے ہٹائی جاناں
تیری نسبت کے سبب دھوم مچی ہے میری
ہے ترا فیض ، مری شعلہ نوائی جاناں
وجد صوفی کو نہ آئے سر محفل کیوں کر ؟
مطرب دل نے غزل کیسی سنائی جاناں
اس کو معراج محبت کا شرف جانوں گا
کاش مل جائے ترے در کی گدائی جاناں
ناخن پا کے ہی صدقے ہو عنایت کی نظر
میری ہو جائے گی بس عقدہ کشائی جاناں
وہ ترے رومی ء خستہ کے سوا اور ہے کون ؟
جس نے دنیا میں ہے لو تجھ سے لگائی جاناں
جو قوم کی خاطر بولا تھا، زِندان میں بیٹھا ہے۔
جس شَخص نے خواب دِکھائے تھے اِک بہتر پاکستان کے،
وہ شَخصِ وَفا آج بھی بے سامان میں بیٹھا ہے۔
جس نے ہر ظُلم کے آگے حَق بات سُنائی لوگوں کو،
وہ اَپنی ہی قوم کے بیچ حَیران میں بیٹھا ہے۔
اِک آنکھ بھی اُس کی جاتی رَہی اِس راہِ سیاسَت میں،
اور شہرِ تمَاشہ خاموشی کی تان میں بیٹھا ہے۔
لوگوں نے فَقط نعروں تک مَحدُود رَکھی چاہت کو،
اِک مَردِ مُجاہد اَب تک زِندان میں بیٹھا ہے۔
گر ایک دَفعہ بھی قوم اُٹھے، دِیواریں ہِل سَکتی ہیں،
وَرنہ ہر خواب یَہاں خوف کے طُوفان میں بیٹھا ہے۔
کتنی ہی عِیدیں گُزر گئیں اُس شَخص پہ تَنہائی میں،
اور ہر بے حِس چہرہ اَپنے ہی اَرمان میں بیٹھا ہے۔
مظہرؔ یہ قِیادت بکنے والی شے تو نہیں ہوتی،
اِک سَچّا لِیڈر آج بھی زِندان میں بیٹھا ہے۔
کہ یاروں کو بھُلایا ہو نِشاں بھی نہیں مِلتا
میں اَپنوں کے لیے ہر درد چُپ رَہ کر ہی سَہتا ہوں
لَبوں پَر آہ کا کوئی اِمکاں بھی نہیں مِلتا
مُحَبَّت کے بہت دَعوے کِیے چہروں نے مِل کر اَب
مگر سچ ہے کہ ان جیسا انساں بھی نہیں ملتا
سَہارا جو بُرے وَقتوں میں لوگوں کا بَنے یارو
زَمانے میں کِسی کو وہ خانداں بھی نہیں ملِتا
میں اَپنے دوست کی خاطِر زَمانے بھَر سے لَڑ جاؤں
مَطلَب پَرَستوں میں یہ اِیماں بھی نہیں ملِتا
جو دِل میں ہے وُہی لَب پَر، نہیں ہے پَردہ کوئی بھی
مِرے کِردار میں جھُوٹوں کا دھِیاں بھی نہیں مِلتا
مظہرؔ یاروں کی چاہَت میں ہمیشہ سَر جھُکاتا ہے
وفاداری کے رَستے میں نُقصاں بھی نہیں مِلتا
کسی سے خود کو مگر کم نہیں بنائیں گے
ہمارے عہد میں ہر سو محبتیں ہوں گی
خزاں کا ہم کوئی موسم نہیں بنائیں گے
ہم ایک نقشہ بنائیں گے سارے ملکوں کا
کسی بھی ملک کا پرچم نہیں بنائیں گے
ہم اپنے علم سے مرہم بنائیں گے لیکن
ہم اپنے علم سے ایٹم نہیں بنائیں گے
ہماری سانس کو عادت نہ ہونے لگ جائے
کبھی بھی ہم کوئی ہمدم نہیں بنائیں گے
کبھی نہ راستہ روکیں گے جانے والوں کا
کہیں پہ چشمۂِ زم زم نہیں بنائیں گے
کسی سے دور بھی رہ کر خوشی سے جی لیں گے
کسی کی زیست جہنم نہیں بنائیں گے
جو دل کی صداؤں کی گہرائی ہے، وہی ہے۔
جو ہر گام پر ہے چراغِ نظر
مسافت میں رہتی جو بینائی ہے، وہی ہے۔
نہ پوچھو کہ کیسے وہ دل میں بسا ہے
کہ جذبوں کی ہر ایک رسوائی ہے، وہی ہے۔
کبھی ایک آہٹ، کبھی ایک خوشبو
یہ دنیا جو دل میں بس آئی ہے، وہی ہے۔
میں جس کو خیالوں میں اکثر سنواروں
جو خوابوں میں چپکے سے آئی ہے، وہی ہے۔
میں جس کو دعاؤں میں اکثر پکاروں
مرے لب پہ ہر دم جو آئی ہے، وہی ہے۔
نہ چاہا کسی اور کو اس طرح سے
محبت کی میری جو سچائی ہے، وہی ہے۔
کہا جس کو میں نے کبھی زندگی
وہی میری سب کچھ، خدائی ہے، وہی ہے۔
وہی روشنی ہے، وہی خواب سا ہے
مری ہر نگاہوں کی بینائی ہے، وہی ہے۔
سنو لوگو! جس نے مجھے جان بخشا
مرے دل میں مظہر جو چھائی ہے، وہی ہے۔
