ابھی کچھ مرحلوں کے اور مراحل ہوں گے

ابھی تکمیل کے کچھ اور مراحل ہوں گے
ابھی کچھ مرحلوں کے اور مراحل ہوں گے

ہم کہ خوابوں کو نگاہوں میں سجانے والے
جانے کس دور کی تخلیق کا حاصل ہوں گے

اور کب تک یونہی سفر پہ سفر کرنا ہے
ہم کہاں اپنی منازل کے مقابل ہوں گے

ابھی کچھ اور مراحل سے بھی گزرنا ہو گا
تب کہیں جا کے اپنی ذات میں کامل ہوں گے

پہلے کچھ بپھری ہوئی موجوں سے الجھنا ہے
تب کہیں جا کے مقدر میں وہ ساحل ہوں گے

بڑھے چلو کہ راستے میں کچھ مسافر ہیں
جو چلتے چلتے کاروان میں شامل ہوں گے

عظمٰی جن راستوں نے ہم کو سفر میں رکھا
وہی اک دن ہماری زیست کا حاصل ہوں گے