انداز نرالا دیکھا ہے

ہم نے دل لگانے کا انداز نرالا دیکھا ہے
دکھ میں مسکرانے کا انداز نرالا دیکھا ہے

رونے والی آنکھوں نے مسکرانا سیکھ لیا
انتہائے الفت کا آغاز نرالا دیکھا ہے

دل کے راز عیاں کرتا ہے آنکھوں آنکھوں میں
وائے قسمت ہم نے یہ ہمراز نرالا دیکھا ہے

وہ روٹھے تو ایک تبسم پر ہی مان جاتا ہے
پہلی بار کوئی ایسا ناراض نرالا دیکھا ہے

دل کی حالت کے جیسی دھن سنانے والا
جادو کے تاروں والا ساز نرالا دیکھا ہے

ہم نے دل لگانے کا انداز نرالا دیکھا ہے
دکھ میں مسکرانے کا انداز نرالا دیکھا ہے