اِک نیا روز تماشہ ہو گا

اِک نیا روز تماشہ ہوگا
دلبری ہوگی دلربا ہوگا

کوئی مر جائیگا وفا کر کے
اور کہیں کوئی بے وفا ہوگا

کہیں آنکھوں میں روانی ہوگی
کوئی دل توڑ کے ہنستا ہوگا

کسی کے سر پہ تاجِ شاہی تو
کسی کے ہاتھ میں کاسہ ہوگا

کوئی قسمت کا دھنی اللہ رے
کوئی قسمت کا ستایا ہوگا

کوئی جینے کی دعا مانگے گا
کوئی جیون سے ہی خفا ہوگا

آنکھ جس بات پہ روئی ہوگی
دل اسی بات پہ کڑھتا ہو گا

ہمنوائی میں چشم و دل کی یہ
ذہنِ خاموش لب کشا ہوگا

اِک نیا روز تماشہ ہوگا
دلبری ہوگی دلربا ہوگا