اچھا نہیں لگتا

کسی سے بات کرنا بولنا اچھا نہیں لگتا
تجھے دیکھا ہے جب سے دوسرا اچھا نہیں لگتا

تیری آنکھوں میں جب سے میں نے اپنا عکس دیکھا ہے
میرے چہرے کو کوئی آئینہ اچھا نہیں لگتا

تیرے بارے میں دن بھر سوچتا رہتا ہوں لیکن
تیرے بارے میں سب سے بولنا اچھا نہیں لگتا

یہاں اہل محبت عمر بھر برباد رہتے ہیں
یہ دریا ہے اسے کچا گھڑا اچھا نہیں لگتا

میں ان چاہت کی اس منزل پہ آپہنچا ہوں
تیری جانب کسی کا دیکھنا بھی اچھا نہیں لگتا