اچھی آنکھیں ، سچے دل پوجا کریں

اچھی آنکھیں ، سچے دل پوجا کریں
آ صنم خانوں میں ہم سجدہ کریں

پھول جیسے خوبصورت زخم ہیں
زندگی سے کیا گلہ شکوہ کریں

جب وہ آئے گا، زمانہ آئے گا
ہم اکیلے ہیں، اکیلے کیا کریں

آؤ جاناں ، بادلوں کے ساتھ ساتھ
دھوپ جاتی ہے کہاں پیچھاں کریں

پلکاں پلکاں رات بھر شبنم چنیں
قطرہ قطرہ جوڑ کر دریا کریں

دور جائیں ، دور سے باتیں کریں
پاس آئیں پاس سے دیکھا کریں

یہ مزہ لینے کا موسم پھر کہاں
رحمتوں کی رات ہے سجدہ کریں