ایک چپ کھائے گئی ہے مجھ کو
Poet: ثروت زہرا By: سلمان علی, Lahoreایک چپ کھائے گئی ہے مجھ کو
آگہی ڈھائے گئی ہے مجھ کو
زندگی میرے سنورنے کے لیے
درد پہنائے گئی ہے مجھ کو
بے خودی آپ تلک لائی تھی
سو وہی لائے گئی ہے مجھ کو
آپ نے راکھ کیا اڑنے کو
خاک دفنائے گئی ہے مجھ کو
میرے ادراک کی مجبوری سے
بات بہلائے گئی ہے مجھ کو
چاند اس طور سے اترا شب میں
رات گہنائے گئی ہے مجھ کو
Rate it: 
Views: 612
08 Mar, 2022
More Sad Poetry
