بارشوں کا موسم
Poet: سعدیہ ملک By: Sadia Malik, Mirpur Azad Kashmirبارشوں کے موسم میں
ضبط کی فصیلوں پہ
اختیار کب رہتا ہے
درد بیتے لمحوں کے
زخم بچھڑے لوگوں کے
شب بھر تنہایوں میں
آنسوؤں کی صورت میں
برس برس جاتے ہیں
کتنی اداسی ہے
بارشوں کے پانی میں
آسمان کے آنسوؤں پہ
میری آنکھیں برستی ہیں
یا
میرے آنسوؤں پہ
آسمان برستا ہے
یاد کے دریچے سب
یار کے دریچوں میں
اشک اشک برستے ہیں
محو طواف رہتے ہیں
بارشوں کے موسم میں
ضبط کی فصیلوں پر
اختیار کب رہتا ہے
Rate it: 
Views: 72
05 Mar, 2024
More Sad Poetry
