برنگِ موجۂ اشکِ رواں بہنا نہیں آ تا

برنگِ موجۂ اشکِ رواں بہنا نہیں آ تا
کہ آنکھوں کی زبانی دردِ دِل کہنا نہیں آ تا

تمہارا ساتھ ہی میرے لیۓ ہے قیمتی گہنا
کہ خوش اب تو مرے دِل کو کویٔ گہنا نہیں آ تا

ہمیشہ خوش نظر آتے رہیں کوشش تو ہوتی ہے
سبھی کہتے ہیں ہم کو خوش مگر رہنا نہیں آ تا

سمجھ پاتے نہیں وہ زندگی کی قدر و قیمت کو
کہ جِن کو دوسروں کا رنج و غم سہنا نہیں آ تا

ہمیشہ برملا کہتے ہیں ہم جو دِل میں آ تا ہے
سلیقے سے مگر اِک لفظ بھی کہنا نہیں آ تا

لگادی جان کی بازی بناں سوچے بناں سمجھے
وہ کہتے ہیں ہمیں جذبات میں بہنا نہیں آ تا