بس تیرے ہجر میں رہوں جی بہتر

دوسرا عشق نہ کروں ؟جی بہتر
بس تیرے ہجر میں رہوں ؟جی بہتر

تو کہیں بھی نہیں ملے مُجھکو ؟
اور میں ڈھُونڈتا پھِروں ؟جی بہتر

اہنے پاؤں میں باندھلُوں زنجیر ؟
اب کسی سے نہیں مِلُوں ؟ جی بہتر

میں قلم توڑدُوں تُمہارے بعد ؟
ایک بھی شعر نہ لِکھوں ؟جی بہتر

تو جہاں چاہے پیش ہوجاؤں ؟
تو نہ چاہے تو نہ دِکھوں ؟ جی بہتر

اور لوگوں سے ساحلُوں پہ ملے
میں فقط خواب میں مِلوں ؟ جی بہتر

تیری ہر بات پر جھُکادوں سَر ؟
تیری ہر بات پر کہوں ؟ جی بہتر ؟