بلھا کی جاناں میں کون؟
Poet: Baba Bulley Shah By: TARIQ BALOCH, HUB CHOWKIبلھا کی جاناں میں کون؟
نہ میں مومن وچ مسیتاں
نہ میں وچ کفر دی ریتاں
نہ میں پاکاں وچ پلیت آں
نہ میں موسٰی، نہ فرعون
بلھا کی جاناں میں کون؟
نہ میں اندر بھید کتاباں
نہ وچ بھنگاں، نہ شراباں
نہ وچ رِنداں مست خراباں
نہ وچ جاگن، نہ وِچ سون
بلھا کی جاناں میں کون؟
نہ وچ شادی نہ غمناکی
نہ میں وچ پلیتی پاکی
نہ میں* آبی نہ میں خاکی
نہ میں آتش نہ میں پون
بلھا کی جاناں میں کون؟
نہ میں عربی نہ لاہوری
نہ میں ہندی شہر نگوری
نہ ہندو نہ ترک پشوری
نہ میں رہندا وچ ندون
بلھا کی جاناں میں کون؟
نہ میں بھیت مذہب دا پایا
نہ میں آدم حوّا جایا
نہ میں اپنا نام دھرایا
نہ وِچ بیٹھن، نہ وِچ بھَون
بلھا کی جاناں میں کون؟
اوّل آخر آپ نوں جاناں
نہ کوئی دوجا ہور پچھاناں
میتھوں ہور نہ کوئی سیانا
بلھا! اوہ کھڑا ہے کون
بلھا کی جاناں میں کون؟
Rate it: 
Views: 911
21 Oct, 2011
More Sad Poetry
جو سرائے فنا میں رہتے ہیں جو سرائے فنا میں رہتے ہیں
رنج و غم گاہے گاہے سہتے ہیں ..
رنج و غم گاہے گاہے سہتے ہیں ..
Murtaza Zaman Gardezi
