بن کے کیسا عذاب آتے ہیں؟
Poet: طالب حسین ثباؔت By: Nazim ZarSinner, Pakpattansharبن کے کیسا عذاب آتے ہیں
مجھ کو تیرے ہی خواب آتے ہیں
مے کدہ حسن ہے حسینوں کا
سب ہی پینے شراب آتے ہیں
ہم یوں جاتے ہیں بزمِ یاراں میں
جیسے شاہی نواب آتے ہیں
صرف تیرا لحاظ کرتے ہیں
ورنہ سارے حساب آتے ہیں
کیں بشر نے شکایتیں لیکن
کب خدا سے جواب آتے ہیں
کیا ہیں قانون حکمرانوں کو؟
ہم ہی زیرِ عتاب آتے ہیں
منتظر ہیں ثباؔت قبر پہ کب
وہ سجانے گلاب آتے ہیں
Rate it: 
Views: 234
11 Feb, 2022
More General Poetry
