Add Poetry

بنے ہیں کام سب الجھن سے میرے

Poet: کاشف حسین غائر By: Anila, Sialkot

بنے ہیں کام سب الجھن سے میرے
یہی اطوار ہیں بچپن سے میرے

ہوا بھی پوچھنے آتی نہیں اب
وہ خوشبو کیا گئی آنگن سے میرے

زمیں ہموار ہو کر رہ گئی ہے
اڑی ہے دھول وہ دامن سے میرے

سنو اس دشت کا ہم زاد ہوں میں
یہ واقف ہے اکیلے پن سے میرے

ہوائے بے دلی بھی خوب نکلی
خلش تک لے اڑی جیون سے میرے

Rate it:
Views: 388
20 Aug, 2021
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets