تاثیر ہے تیری نگاہوں میں

جادو اثر تاثیر ہے تیری نگاہوں میں
رہتی میری تصویر ہے تیری نگاہوں میں

بےساختہ میرے قدم تیری طرف بڑھتے رہے
جیسے میری تقدیر ہے تیری نگاہوں میں

غیر ارادی طور پہ ہم ایسے روبرو ہوئے
کھینچے کوئی زنجیر ہے تیری نگاہوں میں

پیہم تمہاری کھوج میں اضطراب دل و نگاہ
جیسے کوئی تدبیر ہو تیری نگاہوں میں

عظمٰمی کو بھی کہنا پڑا تیری نگاہیں دیکھ کر
تاثیر یہ تاثیر ہی تیری نگاہوں میں