تلوار تیرے پیار کی اس دل پہ چل گئی
Poet: وشمہ خان وشمہ By: وشمہ خان وشمہ, ملایشیاتلوار تیرے پیار کی اس دل پہ چل گئی
موسم کے ساتھ دل کی بھی دنیا بدل گئی
دل کو ردائے پیار نے ڈھانپا ہی تھا مرے
غم کی سیاہ رات سحر میں بدل گئی
موسم بہار عشق مرے دل میں کیا بسا
یہ کائنات پیار کی خوشبو میں ڈھل گئی
آنکھوں میں تیرنے لگے چاہت کے جب کنول
حیرت زدہ سماج کی دستار جل گئی
دل کی زمیں سے گزرا محبت کا قافلہ
بلبل حسین نام سے وشمہ کے جل گئی
Rate it: 
Views: 698
10 Aug, 2015
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
