تمھی سے مخاطب ہوں اس گفتگو میں

تمھارے لبوں پر ہیں شبنم کے قطرے
مرے دل سے پوچھو کہ کتنے ہیں میٹھے

تری نرم باہنوں کے بستر کی راحت
کو محسوس کرنے سے ہوتی ہے چاہت

تمھی تو چمن میں بہاروں کو لائی
مرے اس جہاں میں ستاروں کو لائی

تمھیں کیسا لگتا ہے پھولوں میں جانا؟
پری بن کہ خوابوں میں آکر ستانا

نگاہوں میں چاہت کا ساغر چھپانا
کبھی مسکرانا یا سرگوشی کرنا

سکوں میں جنوں میں تری جستجو میں
تمھی سے مخاطب ہوں ، اس گفتگو میں