تیرا پیار کیا ملا کہ نئی زندگی ملی (گیت)

ہوا پر سکون ، ہونٹوں کو میرے ہنسی ملی
ترا پیار کیا ملا کہ نئی زندگی ملی

ترے حسن پہ گمان ہوا پھول کا مجھے
مرا دل یہ چاہے پیار کروں عمر بھر تجھے

تری ہر ادا میں شوخی بھری سادگی ملی
ترا پیار کیا ملا کہ نئی زندگی ملی

تجھے بھر لوں اپنی بانہوں میں میرے قریب آ
مری جان تو ہے آج سے میرا نصیب آ

ہوئے دور سارے رنج مجھے ہر خوشی ملی
ترا پیار کیا ملا کہ نئی زندگی ملی

یہ حسین رات دیکھو گزر جائے نہ کہیں
یہ خمار دھیرے دھیرے اتر جائے نہ کہیں

تری مست مست آنکھوں سے اک بے خودی ملی
ترا پیار کیا ملا کہ نئی زندگی ملی

ہوا پر سکون ،ہونٹوں کو میرے ہنسی ملی
ترا پیار کیا ملا کہ نئی زندگی ملی