تیری محفل میں عاشقی تم سے

Poetوشمہ خان وشمہ Submitted byوشمہ خان وشمہ
Text size

تیری محفل میں عاشقی تم سے
کیا سناؤں میں دل لگی تم سے

چشم حسرت سے بہہ رہا ہے لہو
غم کے دریا میں اب نمی تم سے

کیسی دوری ہے آج کل مجھ سے
کیسی رنجش ہے دشمنی تم سے

جب سے شامل ہوں بزم یاراں میں
تب سے زندہ ہوں دوستی تم سے

سب ستارے اداس بیٹھے ہیں
چاند نکلا ہے چاندنی تم سے

کشت امید اب بھی باقی ہے
اس دریچے میں تیرگی تم سے

غم کا موسم چھپائے بیٹھا ہے
سارا گلشن ہی اک کلی تم سے

زخم زندہ ہیں آج بھی وشمہ
اس محبت کی روشنی تم سے

Related tags on Parveen Shakir poetry

Copied