تیری یاد کو دل میں کیسے بساؤں اللہ

تیری یاد کو دل میں کیسے بساؤں اللہ
دل کے نازک تار کو کیسے ہلاؤں اللہ
دل کے آئینے کو کیسے دھلاؤں اللہ
اس کی مکمل صفائی کیسے کرواؤں اللہ
ہر اک دھرکن کو کیسے سمجھاؤں اللہ
تیرا ہے اک خالق کیسے بتاؤں اللہ
دل کی خواہشات کو کیسے دباؤں اللہ
نفس کو تیرے تابع کیسے بناؤں اللہ
دل پر تیرے نام کی ضرب کیسے لگاؤں اللہ
دل شریر کو مطمئنہ کیسے بناؤں اللہ
دل سے تیرے نام کی سند کیسے پاؤں اللہ
دل میں ہے غیر جان کیسے چھڑاوں اللہ
میں ہوں بڑا بےبس کیسے مناوں اللہ
حل اک ہی ہے تیرے در پہ سر جھکاوں اللہ