جب زمانے کا چلن ہم پہ عیاں ہونے لگا
Poet: dr.zahid Sheikh By: Dr.Zahid Sheikh, Lahore Pakistanجب زمانے کا چلن ہم پہ عیاں ہونے لگا
دوستوں پر بھی رقیبوں کا گماں ہونے لگا
کون سچ بولے کہ مقتل ہیں ، صلیبیں ہیں یہاں
جس نے سچ بولا وہ عبرت کا نشاں ہونے لگا
پھر وہی شعلہ ء دہشت ، ہے وہی ڈر کی ہوا
پھر لگی آگ ہر اک سمت دھواں ہونے لگا
باپ نے بیٹے کو پالا ہے بڑے نازوں سے
فکر مند رہتا ہے جب سے وہ جواں ہونے لگا
انتخابات کی باتیں ہیں خدا خیر کرے
مرگ فردا کا کوئی جشن یہاں ہونے لگا
ہو کسے آس بھلا موت سے بچ جانے کی
اب مسیحا نہ رہا دشمن جاں ہونے لگا
Rate it: 
Views: 962
26 Jan, 2013
More General Poetry
