جنت ماں کے پاؤں تلے ہے

جنت ماں کے پاؤں تلے ہے
گود میں جس مشفق کی پلے ہے

اس پر کیوں تو مونگ دلے ہے
جنت ماں کے پاؤں تلے ہے

جو اس چھاؤں کا ہو ناقدرہ
دنیا میں دوزخ سا جلے ہے

جنت ماں کے پاؤں تلے ہے

اس کی آہ سے آئے مصیبت
اس کی دعا سے بلا ٹلے ہے

جنت ماں کے پاؤں تلے ہے

ماں تجھ کو دیتی ہے صدائیں
کیوں یاروں کے ساتھ چلے ہے

جنت ماں کے پاؤں تلے ہے

جو اس نعمت کو کھو بیٹھے
وہ بے چارہ ہاتھ ملے ہے

جنت ماں کے پاؤں تلے ہے

اس کے آگے بے ادبی سے
کھولنا لب کا دل کو کھلے ہے

جنت ماں کے پاؤں تلے ہے