جنوں نے سُوئے تمنا اُچھال رکھا ہے
Poet: ورد بزمی By: ورد بزمی, اسلام آبادجنوں نے سُوئے تمنا اُچھال رکھا ہے
اس اضطراب نے مجھ کو سنبھال رکھا ہے
جسے یقینِ وفا نے اُجال رکھا ہے
اُس ایک رنگ کو خوشبو میں ڈھال رکھا ہے
یہ کون ہے جو سِوا تجھ سے تجھ میں دکھتا ہے
ہر آئینے میں یہی اک سوال رکھا ہے
اگر ہو پاس بھی کوئی تو کر نہیں سکتا
ترے خیال نے جتنا خیال رکھا ہے
ترے ہی دم سے تو ہے جانِ حسن و رعنائی
یہ خواہشوں میں جو عکسِ جمال رکھا ہے
ہر ایک حرف میں خوشبو اُسی کی آتی ہے
بنا کے پھول جسے ڈال ڈال رکھا ہے
کوئی بھی درد زمانے کا درد لگتا نہیں
کہ تیرے درد کو ہم نے مثال رکھا ہے
یہ فاصلے تو ہیں مہمان چند لمحوں کے
اسی امید نے مجھ کو نہال رکھا ہے
اتر رہی ہے ہر اک سانس میں تبھی خوشبو
ہوا نے وَرۡد سے رشتہ بحال رکھا ہے
Rate it: 
Views: 559
06 Jun, 2014
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
