جنوں والوں پہ آوازے غلط تھے
Poet: Nasir Rizvi By: uzma ahmad, Lahoreجنوں والوں پہ آوازے غلط تھے
زمانے! تیرے اندازے غلط تھے
چھپائے چھپ نہیں سکتے ہیں چہرے
وہ رَوئے یار کے غازے غلط تھے
محبت کا ہمیں الزام تسلیم
مگر الزام کچھ تازے غلط تھے
کسی نے کل جو بویا تھا سو کاٹا
جو بھگتے ہم نے خمیازے غلط تھے
کہاں تک کب تلک محفوظ رہتی
وہ بستی جس کے دروازے غلط تھے
Rate it: 
Views: 316
31 May, 2012
More General Poetry
