جو بَھری بَزم میں اوروں سے جُدا لگتا ہے

جو بَھری بَزم میں اوروں سے جُدا لگتا ہے
اچھا لگتا ہے مگر اہلِ جَفا لگتا ہے

اُس کی ہو جاۓ فقیروں پہ اگر نظرِ کرم
موسمِ دِل کا ہَر اِک پیڑ ہَرا لگتا ہے

کیسے دے گا تُو زمانے کے سوالوں کے جواب
تُو کبھی سوچ اے دِل تیرا وہ کیا لگتا ہے

کوئ بھاۓ نہ تُجھے تو ہے تری آنکھ میں نَقص
آنکھ بہتر ہو تو سب کُچھ ہی بَھلا لگتا ہے

کوئ کیونکر میری کُٹیا کو جَلاۓ گا بَھلا
مُجھے دُشمن میرا اپنا ہی دِیا لگتا ہے

اِس زمانے میں محبت بھی گُناہ ہے شاید
یہ جو سارا ہی جہاں مُجھ سے خَفا لگتا ہے

کیسے کرتے ہیں وہ محبُوب کا شِکوہ باقرؔ
میں تو اِک لفظ بھی بولُوں تو بُرا لگتا ہے