حیف تو نے نہیں سمجھا مجھے انساں جاناں

Poetخلیلی قاسمی Submitted byخلیلی قاسمی
Text size

حیف تو نے نہیں سمجھا مجھے انساں جاناں
بندہٴ عشق ہوں میں اور پریشاں جاناں

”زندگی تیری عطا تھی سو ترے نام کی ہے
میں نے جیسے بھی بسر کی ترا احساں جاناں“

غم و اندوہ میں جیئیں یہ ہماری قسمت
ہے یہی اپنے لیے عظمتِ ذی شاں جاناں

پھول کے مثل رہو شاد و شگفتہ ہر دم
زندگی صبح کی صورت ترے شایاں جاناں

اب بھی آمادہٴ الفت ہے مری جراتِ شوق
اب بھی ہو سکتا ہوں سو جان سے قرباں جاناں

اب بھی طالب ہے مری آنکھ ترے حسنِ وفا کی
میری جانب بھی ہو اک رمزہٴ مژگاں جاناں

اک نظر اپنے خلیلی# کی طرف ہو تاکہ
جگمگائے مری الفت کا شبستاں جاناں
 

Related tags on Parveen Shakir poetry

Copied