خواب

حالات کے کچے دھاگوں میں کچھ خواب ادھورے ہوتے ہیں
ہم سب بچپن سے ہی جن کو آنکھوں میں پِروتے رہتے ہیں

سپنوں کی دِلکش وادی میں کبھی چاند میں کھوۓ رہتے ہیں
ہم سب بچپن سے ہی جن کو آنکھوں میں پِروتے رہتے ہیں

پھر بچپن کے وہ خواب لیے حسرت سے بھرے جذبات لیے
دنیا کی کٹھِن اِن راہوں میں اِک آس پہ چلتے رہتے ہیں

اُمید کے دامن کو پکڑے منزل کی طرف جب بڑھتے ہیں
تو دل میں زندہ خوابوں کے مرنے سے ڈرتے رہتے ہیں

پھر چلتے ہوۓ اِن راہوں پر کبھی پھول مِلے کبھی خار مِلے
کبھی اُونچی نیچی راہوں کو ہموار ہی کرتے رہتے ہیں

منزل کی لگن خوابوں میں مگن ہم جگ سے جب ٹکراتے ہیں
تو ٹوٹ کے سپنے آنکھوں سے آنسوؤں میں بہتے جاتے ہیں

سپنوں سے نِکل کر پھر آخر احساس ہمیں یہ ہوتا ہے
جب ٹوٹ کے کِرچی ہوتے ہیں یہ خواب تبھی کہلاتے ہیں