خود وہ آتا نہیں تو کیا غم ہے

PoetWamiq Kakakhel Submitted byWamiq Kakakhel
Text size

خود وہ آتا نہیں تو کیا غم ہے
یاد آتا ہے یہ ہی کیا کم ہے

سانس بھرنا عذاب لگتا ہے
دل سلگتا ہے آنکھ بھی نم ہے

چاہتوں کے سفر میں لٹ جانا
احترام مزاج جانم ہے

یاد کے بے کراں سمندر میں
پانیوں کا مزاج برہم ہے

آنکھ میں اترے موسموں کی قسم
موسم چشم آج نم نم ہے

زندگی چاہتی ہے ملنا ہمیں
اور فرصت ہمیں ذرا کم ہے

وامق ان سے گلہ تو کیا ہوگا
ہم سے اپنا نصیب برہم ہے

Related tags on Parveen Shakir poetry

Copied