درد جب بے قرار کرتا ہے
Poet: ابنِ منیب By: ابن منیب, سویڈندرد جب بے قرار کرتا ہے
ہر نفَس ذکرِ یار کرتا ہے
ہم تمنا ہزار لاتے ہیں
وہ بہانے ہزار کرتا ہے
درد دیتا ہے ساز ہستی کو
دل جگر تار تار کرتا ہے
گُل ہے، گُلشن ہے، اور وہ، دیکھیں
کون کِس کو شِکار کرتا ہے
روزِ محشر وہ محرمِ ہستی
زخم سارے شمار کرتا ہے
اہلِ گُلش نے کی رَپَٹ میری
ذکرِ فصلِ بہار کرتا ہے
تھام لیتی ہیں وحشتیں صاحب
کب کوئی اختیار کرتا ہے
مُجکو لمحہ اَجَل کا دیکھ گیا
اب مِرا انتظار کرتا ہے
شاعر : ابنِ مُنیب
(نوٹ: اپریل 2015 سے میں نے قلمی نام 'ابنِ منیب' اختیار کر لِیا ہے، ان شاءاللہ نئی کاوشیں اسی نام سے پیش کروں گا۔ پہلے اپنے نام 'نوید رزاق بٹ' سے پوسٹ کرتا رہا ہوں)
Rate it: 
Views: 461
09 May, 2015
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
