دنیا عجیب لوگوں کی بستی ہے دوستو
Poet: dr.zahid sheikh By: dr.zahid sheikh, lahore,pakistanروتے ہوؤں کو دیکھ کے ہنستی ہے دوستو
دنیا عجیب لوگوں کی بستی ہے دوستو
صحرا کو ایک بوند بھی پانی نہیں نصیب
بارش سمندروں پہ برستی ہے دوستو
محلوں کو چاندنی کے تحائف ہر ایک رات
کٹیا کہ اک دیے کو ترستی ہے دوستو
جس کے خلوص میں نہ چپھی ہو کوئی غرض
دنیا میں کوئی ایسی بھی ہستی ہے دوستو ؟ ؟
رہنے دو دور مجھ کو شراب و شباب سے
مستی تو اپنے خون کی مستی ہے دوستو
Rate it: 
Views: 474
08 Nov, 2012
More General Poetry
