رہے گا یاد اے وشمہ یہ سب سدا مجھ کو

ہو تیری کیسے تعریف یہ بتا مجھ کو
جو بھائے دل کو ترے حرف وہ سکھا مجھ کو

میں ڈھونڈتی ہی رہی تجھ کو کہاں تھا تو جانے
سنائی دیر سے دی ہے تری صدا مجھ کو

سنا ہے تیرے بھی دل میں امنگ جاگی ہے
خبر ہے ساری تو چاہے نہ اب بتا مجھ کو

ہوا نے چپکے سے کھولا تھا رات و دروازہ
تو مجھ سے ملنے چلا آیا یہ لگا مجھ کو

وہ آئےگا نہ کبھی اس کا انتطار نہ کر
تھی نیند آدھی تو وجدان نے کہا مجھ کو

سخن کا شہر رفیقوں کی یہ حسیں محف
رہے گا یاد اے وشمہ یہ سب سدا مجھ کو