زندگی سے جو پیار کرتے ہیں

 زندگی سے جو پیار کرتے ہیں
عشق بھی ایک بار کرتے ہیں

ان سے لاکھوں فریب کھا ئے ہیں
پھر بھی ہم اعتبار کرتے ہیں

صحبت گل تمھیں مبارک ہو
ہم تو کانٹوں سے پیار کرتے ہیں

ہم نے پایا ہے ظرف پروانہ
جلنے والوں سے پیار کرتے ہیں

ہے پتہ تم کبھی نہ آؤ گے
پھر بھی ہم انتظار کرتے ہیں

وہ جو دبکے ہیں آستینوں میں
موقع ملتے ہی وار کرتے ہیں

ہم بھی رکھتے ہیں جیب میں تسبیح
رات دن ذکر یار کرتے ہیں

ان سے فرصت ملی تو ہم بھی حسن
اور کچھ کارو بار کرتے ہیں