زندگی کو زندگی میں جی لیا

ھر زخم کو خودساختہ ہی سی لیا
درد وغم کو جام کر کہ پی لیا

ہم نے مانگا ہی نہیں کچھ اور بس
جو مقدر سے ملا وہ ہی لیا

زھر سے انکار کرتا کس لئے
اس نے ہاتھوں سے دیا تو پی لیا

اب تمہاری زندگی ہے تم جیئو
ہم کو جو بھی جینا تھا سو جی لیا

میں بھی رو سکتا تھا تیرے ساتھ پر
میں نے اپنے آنسوؤں کو پی لیا

دوستی میں دوستوں کے درمیاں
جس نے جو بھی غم دیا سو پی لیا

یہ بھی ہے اک المیہ کے میر نے
زندگی کو زندگی میں جی لیا