ساون کا دن

 (بچوں کی نظم )

ساون کا مہینہ آیا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساون کی البیلی ہوا میں پھول کا دل کچھ ایسے دھڑکا
جیسے اونچی پینگ پہ جا کر مننا کچی نیند سے چونکا

پنکھ پکھیرو طوطا مینا اونچی اونچی ڈال سے آئے
چوہا نکلا اپنے بل سے بلی بھاگوں چھینکا ٹوٹا

میں جب کرکٹ کھیلنے نکلا ساون نے پھر مینہ برسایا
بیٹ بھی بھیگا بال بھی بھیگی بھاگ کر اپنے گھر میں آیا

ٹپ ٹپ ٹین کی چھت بھی ٹپکی کچے فرش پہ پانی ٹپکا
کیچڑ میں جب پھسلے ہم تو لوٹا ڈبا ڈھونڈ کے رکھا

بستر تکیہ سب بھیگ رہے تھے کھانا سونا بھول کے بھیا
ساون کا دن ہم نے منایا ہم نے یہ دن خوب منایا

باجی نے چولھا سلگایا امی نے پکوان پکایا
ارشد مریم پپو آئے سب نے مل کر دھوم مچایا
سارا محلہ سر پہ اٹھا یا