سخنور اور سخن

جس سخنور پہ اچھی شاعری کا نزول نہیں ہوتا
ایسا شاعر عوام میں کبھی مقبول نہیں ہوتا

مفلسی میں جو خودداری کا دامن نہ چھوڑے
ایسا انسان کسی کے پاؤں کی دھول نہیں ہوتا

دودھ پلانے والے ہاتھوں کو جو ناگ نہ ڈسیں
اس زمانے میں ایسا تو حسب معمول نہیں ہوتا

ان لوگوں کی عاقبت بڑی بری ہوتی ہے
جن کا من اچھے کاموں کی جانب مبذول نہیں ہوتا

اصغر الله کہ سوا کسی سے کچھ نہیں مانگتا کبھی
وہ بڑا بدنصیب ہے جو عبادت میں مشغول نہیں ہوتا