سرزمین وطن تو سلامت رہے

سرزمین وطن تو سلامت رہے
تیرا سایہ خدا کی عنایت رہے

تیرے شہروں دیہاتوں میں ہر سو رواں
تیرے قصبوں میں اور وادیوں میں جواں

امن و خوشیوں کی ہر سو روایت رہے
سرزمین وطن تو سلامت رہے
تیرا سایہ خدا کی عنایت رہے

تیرے صحراؤں میں تیرے کہساروں میں
تیرے بحروں، ہواؤں میں، دریاؤں میں

زندگی کی روانی سلامت رہے
سرزمین وطن تو سلامت رہے
تیرا سایہ خدا کی عنایت رہے

تیرے پیر و جواں، بچے اور بچیاں
ہنستے کھلتے رہیں دیکھے سارا جہاں

ان کو حاصل خدا کی حمایت رہے
سرزمین وطن تو سلامت رہے
تیرا سایہ خدا کی عنایت رہے