سلگتی مسافتیں

PoetIbne-Azim Fatmi Submitted byWaqas
Text size

سروں پہ ہوتی ہے سورج کی دھوپ سخت بہت
بڑی خوشی سے لگاؤ نئے درخت بہت

کبھی تو آ کے ملیں بوریا نشینوں سے
وہ لوگ جن کے لیئے ہے جہاں میں تخت بہت

جراحتوں کے لئے لازمی ہے نشتر بھی
بلا سبب نہیں لہجہ میرا کرخت بہت

انہیں سنبھال کے رکھو کہ شب میں لو دیں گے
میرے سر شک میں شامل ہیں دل کے لخت بہت

کہاں زوال کی زد سے ملی نجات انہیں
عظیم دیکھے ہیں میں نے بلند بخت بہت

Related tags on Parveen Shakir poetry

More General Poetry

Copied